Inśpiektar DAI zatrymaŭ niećviarozaha žychara Homiela, jaki vioz svaich dvaich dziaciej na školnuju liniejku, paviedamlaje homielskaja DAI.
Siońnia kala 08.30 kala adnoj sa škoł abłasnoha centra supracoŭnik Dziaržaŭtainśpiekcyi zaŭvažyŭ Mercedes, kiroŭca jakoha vioz dvuch školnikaŭ. Pry hetym ni mužčyna, ni dzieci ramianiami biaśpieki pryšpilenyja nie byli. «Paśla spynieńnia transpartnaha srodku, padyšoŭšy da mužčyny, inśpiektar adčuŭ ŭstojlivy pach ałkaholu. Kiroŭcu daviałosia prajści ahlad. Jaho vyniki paćvierdzili: mužčyna znachodziŭsia ŭ stanie ałkaholnaha apjanieńnia. Pry hetym ŭtrymańnie ałkaholu pieravyšała dapuščalnuju normu ŭ dva razy», — raspaviali ŭ adździaleńni pa ahitacyi i prapahandzie DAI vobłaści.
Na mužčynu skłali administracyjny pratakoł pa art. 18.16 KaAP Biełarusi (kiravańnie transpartnym srodkam asobaj, jakaja znachodzicca ŭ stanie apjanieńnia), mašyna ciapier na stojancy.
