Da 8 vieraśnia na sajcie i ŭ kniharni «Halijafy» (vuł.Niamiha, 3, cokalny pavierch, boks 47) na ŭsie knihi vydaviectva dziejničaje źnižka da 50%.
Nižej sabrany top-5 knih vydaviectva.
Volha Hapiejeva. «Dźvie Aviečki»
«Dźvie Aviečki» — heta paema dla dziaciej i darosłych, jakija nie pierastali ŭsprymać śviet dziciačymi vačyma.
Volha Hapiejeva raspaviadaje try historyi, hałoŭnymi hierainiami jakich źjaŭlajucca aviečki. Tut znojdziecca miesca dla zachaplalnych padarožžaŭ i novych siabroŭ. Vydatnyja ilustracyi Marty Hieraščanka dapamahajuć stvaryć atmaśfieru kazačnaha śvietu.
Słavamir Kopier.«Žančyny Druhoj Rečy Paspalitaj»
Historyja zmahańnia žančyn za raŭnapraŭje i cełaja halereja jaskravych, nieadnaznačnych postaciej.
«U hetaj knizie ja zasiarodžvajusia na žančynach, jakija ŭłasnaj siłaj voli dasiahnuli pośpiechu ŭ takija časy, kali daminavali mužčyny», — kaža Słavamir Kopier pra svaju knihu.
Dla čytačoŭ z 18 hadoŭ.
Michael Kiolmajer. «Dziaŭčynka z naparstkam»
Historyja pra składanaje žyćcio vačyma šaścihadovaj dziaŭčynki. Historyja jaje pošukaŭ svajho miesca ŭ nieviadomym horadzie.
U centry ŭvahi aŭtara — takija bazavyja temy, jak cialesnaść, mova, poviazi miž ludźmi. «Dziaŭčynka z naparstkam» — heta apovied nie tolki pra žyćcio na zadvorkach hramadstva, ale i pra čałaviečaje byćcio naahuł.
Pierakład ź niamieckaj Iryny Hierasimovič.
«Stračany los» — pieršaja kniha vienhierskaha piśmieńnika Imre Kiertesa, jakaja ŭ 2002 hodzie pryniesła aŭtaru Nobieleŭskuju premiju «za tvorčaść, u jakoj krochkaść asoby supraćpastaŭlajecca varvarskamu despatyzmu historyi».
Raman šmat u čym aŭtabijahrafičny. Aŭtar, jak i hałoŭny hieroj knihi, habrej-padletak padčas vajny, trapiŭ u Aŭšvic (Aśviencim), a potym u Buchienvald. Ale raman uražvaje nie tak apisańniami žachaŭ kancłahiera, jak niezvyčajnaj intanacyjaj apoviedu, pazbaŭlenaj pafasu i praźmiernych emocyjaŭ. Hałoŭny hieroj knihi pa-dziciačy naiŭna ŭsprymaje ŭsio, što ź im adbyvajecca, namahajecca prystasavacca, asvoicca z dadzienym jamu losam.
Raman «Stračany los» byŭ pierakładzieny na biełaruskuju movu ŭ 2012 Śviatłanaj Rohač i vydadzieny vydaviectvam «Halijafy».
Lila Iljušyna. «Kluč daroh»
Na śviecie jość miesca, adkul pačynajucca ŭsie šlachi i darohi. Toj, chto vałodaje Klučom ad jaho, moža abudzić daŭno pasnułyja ściežki ci nazaŭždy zakryć šlach da ščaścia. Džym vyjaŭlaje ŭ siabie zdolnaść kiravać darohami, a ŭ svajho siabra — dar bačyć śmierć. Jany vypadkova daviedvajucca, što niepryjemnaści ŭ ich miastečku — sprava mistara S., viadomaha biźniesmiena. Voś tolki jak spravicca ź im, kali jon i jość Haspadar Daroh, da taho ž źviazany sa staražytnymi viedźmakami?
Dla dziaciej siaredniaha školnaha vieku.
