Uładzimir Pucin pavinšavaŭ Alaksandra Łukašenku z dniom narodzinaŭ, paviedamlaje pres-słužba Kramla.
«Prymicie ščyryja vinšavańni z nahody 65-hodździa. Čverć stahodździa vy staicie na čale Biełarusi, niastomna pracujučy nad umacavańniem mižnarodnaha aŭtarytetu krainy i vyrašeńniem jaje sacyjalna-ekanamičnych prablem», — havorycca ŭ vinšavańni.
«Vy pastajanna robicie vialiki asabisty ŭkład u raźvićcio siabroŭskich, sajuznych adnosin pamiž našymi krainami. Ja pierakanany, što realizacyja niadaŭna dasiahnutych u Sankt-Pieciarburhu damoŭlenaściej dazvolić jašče bolš umacavać Sajuznuju dziaržavu, pavysić praduktyŭnaje rasijska-biełaruskaje supracoŭnictva jak na dvuchbakovym, tak i ŭ jeŭrazijskim intehracyjnych pracesach», — padkreśliŭ Pucin.
Alaksandr Łukašenka naradziŭsia 30 žniŭnia 1954 hoda. Ale niekalki hadoŭ tamu ŭ bijahrafiju, raźmieščanuju na jaho aficyjnym sajcie, byli ŭniesieny źmieny: dzień naradžeńnia źmianiŭsia na 31 žniŭnia. Ciapier dzień naradžeńnia kiraŭnika krainy supadaje z dniom naradžeńnia syna Mikałaja, jakomu sioleta spoŭnicca 15 hadoŭ.
Łukašenka abmierkavaŭ z Pucinym apošnija padziei
