Načalnik upraŭleńnia infarmacyi i ličbavaj dypłamatyi — pres-sakratar MZS Biełarusi Anatol Hłaz, adkazvajučy na pytańni žurnalistaŭ, rastłumačyŭ, čamu Biełaruś budzie pradstaŭlena na ŭzroŭni pasła na pamiatnych mierapryjemstvach z nahody pačatku Druhoj suśvietnaj vajny 1 vieraśnia ŭ Varšavie, pieradaje BIEŁTA.
Anatol Hłaz nahadaŭ, što niekalki dzion tamu MZS apublikavała svaju pazicyju pa hetym pytańni, dzie vyrazna i jasna ŭsio patłumačyła. «Tut nie treba zajmacca kanśpirałohijaj. My, biezumoŭna, udziačnyja polskamu boku za zaprašeńnie. Ale tema Druhoj suśvietnaj, Vialikaj Ajčynnaj vojnaŭ dla nas śviataja, i da jaje ŭ nas zaŭsiody byŭ i zastajecca prazrysty i vyrazny padychod. Jašče raz padkreślu, što ŭsie biez vyklučeńnia narody Savieckaha Sajuza ŭnieśli vyznačalny ŭkład u ahulnuju pieramohu nad nacyzmam», — skazaŭ jon.
Pres-sakratar MZS jašče raz źviarnuŭ uvahu, što vyzvaleńnie Centralnaj i Uschodniaj Jeŭropy, kančatkovy razhrom nacyzmu na terytoryi Hiermanii stali mahčymyja dziakujučy hieraičnym namahańniam šmatnacyjanalnaj Čyrvonaj armii.
«Traktavać inakš, padzialać układ sajuznych respublik u ahulnuju pieramohu jak minimum histaryčna niapravilna. Pry hetym u Varšavu nie byli zaprošanyja Kazachstan, krainy Centralnaj Azii, Rasija», - padkreśliŭ jon.
Razam z tym, uličvajučy, što vajna z samaha pačatku zakranuła terytoryju Biełarusi, naša kraina pryniała rašeńnie ab udziele ŭ pamiatnych mierapryjemstvach. «Dla nas udzieł u pamiatnych mierapryjemstvach ŭ Varšavie 1 vieraśnia — danina pamiaci ŭsim achviaram pačatkovaha etapu Druhoj suśvietnaj vajny», — adznačyŭ Anatol Hłaz.
Nahadajem, što zaprašeńnie ŭziać udzieł u pamiatnych mierapryjemstvach było nakiravana Alaksandru Łukašenku.
