U staličnych dziciačych sadkach raźvivajecca sietka hrup z vychavańniem i navučańniem na biełaruskaj movie. U 2017/2018 navučalnym hodzie funkcyjanavała 141 takaja hrupa, u 2018/2019 — 144. Sioleta płanujecca, što ich kolkaść vyraście da 148.
Pra heta, jak pieradaje karespandent ahienctva «Minsk-Naviny», paviedamiła hałoŭny śpiecyjalist adździeła daškolnaj, ahulnaj siaredniaj i śpiecyjalnaj adukacyi kamiteta pa adukacyi Minskaha haradskoha vykanaŭčaha kamiteta Alena Makarevič.
«Pytańnie najaŭnaści takich hrup aktualnaje i vyrašajecca pa zapytach baćkoŭ. My nie možam adpravić dziaciej u hrupu z vychavańniem na biełaruskaj movie, kali ich mamy i taty hetaha nie chočuć, — patłumačyła Alena Makarevič. — Płanujecca, što ŭ hetym hodzie takich hrup budzie 148, adnak dakładnaja ličba stanie viadomaja paśla kamplektavańnia, jakoje projdzie da kanca žniŭnia».
