Viertykalnyja šmatuzroŭnievyja parkoŭki stvarajuć na Mahiloŭskim liftabudaŭničaha zavodzie. Pieršuju «etažerku» zavadčanie ŭstalavali na svajoj terytoryi, paviedamlaje TRK «Mahiloŭ».
Ekanomija płoščy ź viertykalnymi parkoŭkami vidavočnaja. Na čatyroch parkovačnych miescach — 12 mašyn. Pryncyp dziejańnia i nazva kažuć sami za siabie — heta parkoŭka karusielnaha typu. Liftabudaŭniki vyrašyli adnu ź pieršych pryład pastavić prosta ŭ siabie: i dla ŭłasnaj zručnaści, i dla prykładu patencyjnym klijentam. Kanstruktary na pravach raspracoŭščykaŭ pieršymi zaniali vakantnyja miescy.
Heta ŭžo drobnasieryjnaja vytvorčaść. Takich aŭtastajanak hatovyja vypuskać da dziasiatka ŭ hod. Byŭ by popyt. Pakul tavar zavod prasoŭvaje samastojna. Užo iduć pieramovy z Rasijaj, zacikavilisia i izrailskija biznesmieny. Ciapier čarha za biełarusami.
