pixnio.com
Fiederalnaja antymanapolnaja słužba (FAS) Rasii viadzie pieramovy ź biełaruskimi i kazachstanskimi partniorami ab stvareńni łaŭkosteraŭ u hetych krainach, kab pavysić kankurencyju ŭ nizkabiudžetnaha siehmientu avijapieralotaŭ, raspavioŭ u intervju ria.ru kiraŭnik viedamstva Ihar Arciemjeŭ.
«Raźvivać sistemu łaŭkosteraŭ vielmi važna, my prasili našych kazachskich, biełaruskich siabroŭ padumać nad stvareńniem svaich pieravozčykaŭ takoha kłasa, jakija stali b kankurentami našym łaŭkosteram. My heta chočam raźvivać, ale ŭsio doŭha vyrašajecca, jany jašče nie adčuli, što heta vielmi prybytkova, dobry biznes, i ŭ sacyjalnym sensie vielmi važny dla ludziej. Ale my ich pierakonvajem», — skazaŭ jon.
Arciemjeŭ dadaŭ, što dobrym varyjantam było b davieści kolkaść łaŭkosteraŭ u Rasii da piaci-šaści i choć by jašče pa adnym u krainach Mytnaha sajuza.
«Nam chaciełasia b mieć piać-šeść łaŭkosteraŭ u Rasii i jašče niekalki ŭ siabroŭskich krainach, u Mytnym sajuzie chacia b pa adnym, kab jany ŭsio hetaj spravaj zajmalisia, u tym liku, na mižnarodnych pieravozkach», — patłumačyŭ jon.
