Darečy, 23 žniŭnia ŭ papularnaj minskaj prastory «Piasočnica» adbudziecca Symbal.by Fest. Padrabiaznaści hladzicie tut.
Pakidajcie pieradzamovy na novyja cišotki pa źnižanym košcie (20 rubloŭ — darosłyja, 15 rubloŭ — dziciačyja). Akcyja dziejničaje tolki da 23 žniŭnia. Pieršy tyraž budzie drukavacca pa papiarednich zamovach praz sajt Symbal.by. Vydača novych cišotak u kramie na praśpiekcie Mašerava, 18, dastaŭka kurjeram i adpraŭka poštaj pačniecca 1 vieraśnia.
Uvaha! Na fota — vizualizacyja budučych cišotak i pryntoŭ. Tamu realnyja majki mohuć krychu adroźnivacca ad eskizaŭ. Symbal.by zapuściŭ šviejnuju vytvorčaść, tamu heta buduć pieršyja cišotki (darosłych pamieraŭ), vypuščanyja na ŭłasnym abstalavańni.
Praz sajt Symbal.by vy možacie adrazu apłacić vašu zamovu kartkaj ci praz ARIP, a taksama aformić dastaŭku kurjeram pa Minsku ci poštaj u luby punkt Biełarusi i śvietu.
Hladzicie złabadzionnyja, aktualnyja i prosta cikavyja prynty, jakija stanuć dobrymi padarunkami dla vašych siabroŭ i rodnych.
1. Biełyja cišotki mužčynskich i žanočych pamieraŭ «Mama Biełaruś»
U hetym dyzajnie Symbal.by sumiaściŭ ahulnaviadomyja i papularnyja simvały Biełarusi ŭ žanočym vobrazie. «Mama Biełaruś» maładaja, joj chutka 30 hadoŭ, bo naradziłasia jana 27 lipienia 1990 — u dzień pryniaćcia Dekłaracyi ab dziaržaŭnym suvierenitecie našaj krainy.
2. Čyrvonyja cišotki mužčynskich i žanočych pamieraŭ «Miensk — horad sonca»
U hetym dyzajnie vykarystany firmovy styl prajektu Radyjo Svaboda «Svaboda ART», a taksama vyraz «Miensk — horad sonca», jaki staŭ viadomym dziakujučy tvorčaści mastaka i piśmieńnika Artura Klinava.
3. Čornyja cišotki mužčynskich i žanočych pamieraŭ «Vajary Biełarusi»
Hety prynt namalavaŭ dyzajnier skroz_zmrok. Upieršyniu horad Połack zhadvajecca ŭ «Apovieści minułych hadoŭ» u 862 hodzie i faktyčna z hetaj daty my simvalična ličym historyju biełaruskaj dziaržaŭnaści.
Warriors Belarus — heta danina pavahi vajaram Połackaha kniastva, Vialikaha kniastva Litoŭskaha, Rečy Paspalitaj, jakija mužna baranili ziemli sučasnaj Respubliki Biełaruś.
4. Biełyja cišotki mužčynskich i žanočych pamieraŭ «Partyzanščyna»
U hetym dyzajnie — ahulny vobraz biełarusa-partyzana. Bo faktyčna partyzanili biełarusy nie tolki padčas Druhoj suśvietnaj vajny, a taksama i ŭ časy paŭstańniaŭ Tadevuša Kaściuški i Kastusia Kalinoŭskaha, kali našyja terytoryi byli to ŭ składzie Rasijskaj impieryi, to Polščy, to pad akupacyjaj Hiermanii, to SSSR.
Biełarusy — dzieci lasoŭ, a ŭsia historyja Biełarusi — heta sucelnaje partyzanstva, jakomu ŭ ahulnym sensie i pryśviečany novy prynt.
Taksama ŭ hetym malunku znaŭcy tvorčaści hurta N.R.M. znojduć adsyłki da pieśni «Partyzanskaja» dy albomu «Pašpart hramadzianina N.R.M.».
5. Cišotka biełaja dziciačaja «Zubrania»
Novy varyjant papularnaj dziciačaj cišotki «Biełarusik» sa stylovaj vyjavaj zubraniaci ŭ spałučeńni biełaruskich uzoraŭ i lasnych siužetaŭ.
6. Šeryja (miełanž) cišotki mužčynskich i žanočych pamieraŭ #UčiobaVažnieje
Dyzajn hetaj cišotki raspracavali aktyŭnyja studenty z hramadskaj inicyjatyvy #učiobavažnieje, jakija zmahajucca za admienu «zakona ab adterminoŭkach», jaki stavić pad pahrozu navučańnie studentaŭ, adukacyju i ekanomiku Biełarusi.
7. Čornyja cišotki mužčynskich i žanočych pamieraŭ «Pahonia Biełarusi»
Hety dyzajn — interpretacyja malunka viadomaha biełaruskaha skulptara Hienika Łojki, zrobleny 20 hadoŭ nazad. Jon adnoj linijaj namalavaŭ abrysy miežaŭ Biełarusi, jakija pierachodziać u hierb «Pahonia». Cikavy i jaskravy eskiz staŭ pryntom dziakujučy maładoj dyzajniercy Ksienii Bahačovaj.
8. Biełyja cišotki mužčynskich i žanočych pamieraŭ «Welcome to Belarus»
Tut — usia trahičnaść i adnačasova kamičnaść situacyi z aŭtazakami, jakija stali adnym ź simvałaŭ sučasnaj Biełarusi. Nie darma ž jość narodny žart: nie siadzieŭ — nie biełarus. Bo sapraŭdy chutka ŭ našaj krainie nie zastaniecca ludziej, jakija choć raz z roznych pryčynaŭ nie traplali ŭ aŭtazak.
9. Čyrvonyja cišotki mužčynskich i žanočych pamieraŭ «Žyvie Biełaruś!»
Dyzajn z samym papularnym biełaruskim patryjatyčnym vokličam «Žyvie Biełaruś!» U 2012-m hodzie vyjšaŭ viadomy mastacki film «Viva Belarus!», źniaty pavodle armiejskich dziońnikaŭ Franaka Viačorki, jaki zaraz možna pahladzieć na Youtube.
10. Šeryja (miełanž) cišotki mužčynskich i žanočych pamieraŭ «Ravaryst»
Z kožnym hodam na vulicach Minska źjaŭlajecca ŭsio bolš i bolš rovaraŭ dy admysłovych ściežak dla ravarystaŭ. Heta cudoŭna — naša stalica pastupova pačynaje nabližacca pa infrastruktury da jeŭrapiejskich haradoŭ. A novaja cišotka ź vieršnikam na rovary, a nie kani spadabajecca amataram dvuchkołavaha transpartu.
11. Čornyja cišotki mužčynskich i žanočych pamieraŭ «Biełaruś»
Hetaj pracy «maładafrontaŭca» Dzianisa Karnova ŭžo 10 hadoŭ, ale jana dobra i łakanična adlustroŭvaje luboŭ da Biełarusi i našych nacyjanalnych simvałaŭ.
12. Cišotka biełaja dziciačaja «Karusiel»
Hareźlivaja interpretacyja siužetu ź dziciačaj karusielkaj, na jakoj skačuć vieršniki z hierba «Pahonia».
13. Biełyja cišotki mužčynskich i žanočych pamieraŭ «Svabodu Ŭ»
Hety prynt źjaviŭsia dziakujučy proma-kampanii Radyjo Svaboda i sieryi nalepak «Svabodu!» Jon nahadvaje ab prablemach i štučnych abmiežavańniach, jakija maje biełaruskaja mova ŭ našaj krainie. Štohadova kolkaść sadkoŭ i škołaŭ ź biełaruskamoŭnym navučańniem skaračajecca i praces rusifikacyi nie spyniajecca. Śfieraŭ dziaržaŭnaha ŭžytku biełaruskaj movy ŭsio mienš i mienš.
U kastryčniku 2019 u Biełarusi projdzie čarhovy pierapis nasielnictva — paznačajcie rodnaj movaj biełaruskuju!
14. Šeryja (miełanž) cišotki mužčynskich i žanočych pamieraŭ «Padabajka»
Nie ŭsie viedajuć, što pa-biełarusku «łajk» — heta «padabajka». Biez padabajek u sučasnym śviecie nie mahčyma. Tak chočacca, kab i biełarusy, i zamiežniki, jakija pryjazdžajuć u našuju krainu, stavili Biełarusi i biełaruskaj movie jak maha bolš rodnych padabajek.
15. Čornyja cišotki mužčynskich i žanočych pamieraŭ «Pahonia i ściah»
«Pahonia», jakaja stała aficyjnym simvałam śviatkavańnia 100-hodździa BNR, u novym vyhladzie ź bieł-čyrvona-biełym ściaham.
Pahladzieć usie cišotki, jakija mienavita zaraz jość u najaŭnaści, možna na sajcie Symbal.by u raździele «Adzieńnie» ci ŭ minskaj kramie na praśpiekcie Mašerava, 18.
