U Minsku za paŭhoda z arendnych kvateraŭ vysielili 34 daŭžnikoŭ razam ź siemjami. Pryčyna — zapazyčanaści pa kamunalnych płaciažach. Jak paviedamlaje ahienctva «Minsk-Naviny» sa spasyłkaj na DA «Minskaja haradskaja žyllovaja haspadarka», pieravažnaja kolkaść vysielenych — ludzi, jakija žyli ŭ niepryvatyzavanych kvaterach. Ad 1 lipienia 2016 hoda takoje žyllo pierajšło ŭ šerah arendnaha.
Usiaho ŭ Minsku takim čynam źjaviłasia bolej za 6000 arendnych kvateraŭ, dzie treba płacić nie tolki za kamunałku, ale i za karystańnie pamiaškańniem. Kali ciaham dvuch miesiacaŭ najmalniki nie płaciać za kvateru biez važkich pryčynaŭ, ich mohuć vysielić.
Ad pačatku hoda ŽREA rajonaŭ padali ŭ sud 167 pazovaŭ na vysialeńnie daŭžnikoŭ, 42 pazovy zadavolenyja. Stanam na 20 lipienia 34 siamji abo najmalniki-adzinočki byli vysielenyja. Astatnija 125 pazoŭnych zajavaŭ adchilenyja abo znachodziacca na razhladzie. Letaś u sud nakiravali 306 pazovaŭ na vysialeńnie i 57 ź ich zadavolili.
Navat pazbaviŭšysia žylla, były najmalnik pavinien vypłacić zapazyčanaść za kvateru. Adnak pieravažnaja bolšaść vysialencaŭ viadzie asacyjalny ład žyćcia, tamu spahnać ź ich hrošy prablematyčna.
