Režysior telekanała «Doktar» Dźmitryj Vasiljeŭ znachodzicca ŭ reanimacyi ŭ ciažkim stanie, piša RIA Naviny.
ŚMI ŭ piatnicu paviedamili pra zatrymańnie 43-hadovaha režysiora telekanała «Doktar» pa spravie ab «masavych biesparadkach» paśla akcyj. Pavodle ŚMI, Vasiljeŭ, jaki pakutuje na cukrovy dyjabiet, staŭ 13-m fihurantam kryminalnaj spravy.
«U reanimacyi, stan ciažki, tempieratura 36,4», - skazali ŭ daviedačnaj balnicy.
U Vasiljeva insulinazaležny dyjabiet, jamu daviałosia vyklikać «chutkuju», bo nieabchodnyja preparaty ŭ jaho zabrali ŭ milicyi.
«U jaho insulinazaležny dyjabiet, jon u AUS jašče rabiŭ injekcyi pry mnie, a ŭ SK jamu nie addali hetyja preparaty, pakolki spasyłalisia na toje, što preparaty paznačany jak kanfiskavanyja pradmiety, paśla hetaha jaho advieźli ŭ izalatar, dzie da ranicy cukar padniaŭsia da 37, pryjšłosia vyklikać «chutkuju», - paviedamiła advakatka Vasiljeva.
Mitynhi «Za svabodnyja vybary» prajšli ŭ Maskvie i inšych haradach Rasii 14 lipienia, 27 lipienia, 3 žniŭnia i 10 žniŭnia. Palicyja zatrymała za roznyja parušeńni ahułam kala 2 tysiač čałaviek. Śledčy kamitet RF pačaŭ kryminalnyja spravy ab masavych biesparadkach i napadach na pradstaŭnikoŭ ułady, prajšli zatrymańni.