Žycharka Aŭstralii Kery Robiertsan pieršaj u krainie skarystałasia pravam na eŭtanaziju pavodle novaha zakona ŭ štacie Viktoryja. Pryčynaj staŭ rak, paviedamlaje AFP.
Praz chvarobu žančyna pakutavała i adčuvała nievierahodny bol.
Rašeńnie ab śmierci žančyny aŭstralijskija ŭłady abmiarkoŭvali na praciahu 26 dzion. Paśla ŭchvały eŭtanazii chvoraj dali śpiecyjalnyja preparaty, i Robiertsan pamierła.
Aŭstralijski štat Viktoryja ŭ 2017 hodzie lehalizavaŭ eŭtanaziju, u červieni 2019 zakon ustupiŭ u siłu. Viktoryja źjaŭlajecca adzinym štatam Aŭstralii, u jakim dazvolena eŭtanazija.
U Robiertsan dyjahnastavali rak małočnaj załozy ŭ 2010 hodzie. Paźniej lekary vyjavili mietastazy ŭ jaje kaściach, lohkich, mozhu i piečani. Pacyjentka vyrašyła spynić lačeńnie, bo pabočnyja efiekty ad chimijaterapii stali nievynosnymi.
