U napadzie na piataha prezidenta Ukrainy Piatra Parašenku ŭ Kijevie 25 lipienia brali ŭdzieł asoby, jakija kaliści słužyli ŭ pałku «Azoŭ». Adnym z tych, chto napadaŭ, byŭ Siarhiej Karatkich «Bocman», jaki taksama viadomy pa mianušcy Maluta — uradženiec Rasii, u minułym — hramadzianin Biełarusi, navučeniec škoły KDB (sam Maluta śćviardžaŭ, što da kanca nie davučyŭsia tam), śćviardžaje ŭkrainski telekanał Priamij. Varta adznačyć, što ŭładalnikam hetaha telekanała źjaŭlajecca biznes-partnior Piatra Parašenki.
Były namieśnik kamandzira pałka «Azoŭ» Aleh Adnarožanka raspavioŭ telekanału, što Siarhiej Karatkich trapiŭ u bataljon «Azoŭ» u krasaviku 2014 hoda paśla šmatlikich sprob dałučycca da luboj pravaj hrupy va Ukrainie ŭ pačatku rasijska-ŭkrainskaj vajny. Jon śćviardžaje, što Karatkich moža być ahientam FSB.
Z pačatkam ukrainska-rasijskaj vajny Karatkich raptam źjaŭlajecca va Ukrainie ŭ pałku «Azoŭ». Zatym uznačalvaje departamient palicyi.
Va Ukrainie Karatkich atrymaŭ hramadzianstva i novuju pracu ŭ Ministerstvie ŭnutranych spraŭ. U jaho dekłaracyi byli ŭkazany dźvie kvatery, juvielirnyja vyraby, hadzińnik i navat ułasny samalot, i sotni tysiač hatoŭki ŭ roznych valutach — hryŭni, dalary, jeŭra. U apošni čas Karatkich uznačalvaŭ departamient achovy abjektaŭ stratehičnaha pryznačeńnia.
Čytajcie taksama:
Parašenka ŭručyŭ pašpart Ukrainy hramadzianinu Biełarusi —kamandziru bataljona raźviedki «Azova»
Daradca Avakava raspavioŭ, za što hramadzianinu Biełarusi Siarhieju Karatkich (Malutu) dali pašpart Ukrainy
Biełarus z bataljona «Azoŭ» — hieroj, avanturyst abo nacyst? Intervju ź Siarhiejem Karatkich
«U nas tut svaja Biełaruś»: śpiecrepartaž z trenirovačnaj bazy pałka «Azoŭ» u Kijevie
Były hramadzianin Biełarusi z «Azova» nabyŭ kvatery ŭ Kijevie i samalot, a taksama zarabiŭ $1 miljon
Va Ukrainie ŭźnikła paramilitarnaja arhanizacyja pa prasoŭvańni «ŭkrainskaha paradku», adzin z kiraŭnikoŭ — biełarus Maluta
Kalinkina: Mnohija źviazali miljon dalaraŭ Maluty i zabojstva Šaramieta
