Bolš za tracinu rasiejcaŭ (38%) nie chacieli b, kab Uładzimir Pucin zastaŭsia prezidentam paśla zakančeńnia ciapierašniaha terminu ŭ 2024 hodzie, śviedčać dadzienyja apytańnia «Lavada-centra», apublikavanaha hazietaj «Viedamaści».
Pry hetym 54% respandentaŭ ličać, što Pucin pavinien praciahvać kiravać krainaj. U žniŭni 2017 hoda za praciahnieńnie prezidenctva Pucina vykazalisia 67% apytanych.
U kastryčniku 2012 hoda pra niežadańnie bačyć Pucina na čale krainy paśla 2024 hoda zajaŭlali 40% apytanych «Lavada», a ŭ 2013 hodzie - 45%.
43% apytanych pryznalisia, što daviarajuć Pucinu, pakolki nie bačać, na kaho jašče mahli b raźličvać: heta maksimalny pakazčyk ź lipienia 2001 hoda.
U sakaviku minułaha hoda Pucin byŭ pieraabrany na prezidenckuju pasadu ŝ čaćviorty raz (i druhi raz zapar). Pavodle kanstytucyi RF, jon nie maje prava pieraabiracca na vybarach 2024 hoda.
Jaki adznačaje kiraŭnik «Lavady» Leŭ Hudkoŭ, davier rasiejcaŭ da Pucina značna pachisnuŭsia paśla piensijnaj reformy, i siońnia aŭtarytet dziejnaha prezidenta šmat u čym trymajecca na jaho biezalternatyŭnaści.
