Carkva mocnaja tady, kali jana hnanaja, tamu što ŭ hetych hanieńniach razam ź joj znachodzicca jaje zasnavalnik Isus Chrystos. Pra heta skazaŭ Patryjaršy ekzarch usiaje Biełarusi mitrapalit Minski i Zasłaŭski Pavieł, paviedamlaje patriarchia.ru.
Uładyka adznačyŭ, što z Ukrainskaj carkvy Maskoŭskaha patryjarchata ŭ novuju PCU pierajšli tolki dva archirei.
«Źviarnicie ŭvahu: z 90 archirejaŭ tolki dva akazalisia zdradnikami. I ŭ jakim stanoviščy jany siońnia? Ad svaich adbilisia — i tam jany nie patrebnyja, tamu što jany zdradniki, a da takich pierabiežčykaŭ navat raskolniki staviacca jak da zdradnikaŭ. Nikomu jany nie patrebnyja. Chiba heta nie nahladny prykład dla ŭsich astatnich?
Toje, što siońnia adbyvajecca va Ukrainie, — heta biada, pa-inšamu i nie skažaš. Ale, ź inšaha boku, raduje toje, što ŭkraincy zrazumieli, što Carkva zastajecca nieparušnaj. I toj, chto ščyra idzie za Boham, za Chrystom, toj sapraŭdy idzie pa šlachu zbaŭleńnia, i Haspodź dapamahaje im», — padkreśliŭ jon.
