U Barysavie 55-hadovy načalnik varty vajenizavanaj achovy čyhunki vypisvaŭ falšyvyja štrafy, paviedamlaje MUS.
Kiraŭnik šukaŭ pasažyraŭ abo zvyčajnych minakoŭ, jakija, naprykład, pili piva abo kuryli ŭ miežach čyhunačnaha vakzała. Z pravaparušalnikami pravodziłasia tak zvanaja prafiłaktyčnaja hutarka, padčas jakoj načalnik varty pierapisvaŭ ich danyja. Nieabchodnyja źviestki zanosilisia ŭ pastanovy ab administracyjnym spahnańni.
Usie štrafy čyhunačnik apłačvaŭ ułasnymi srodkami. Adzinaja pryčyna tamu — žadańnie paźbiehnuć materyjalnaj abo dyscyplinarnaj adkaznaści za «nievykanańnie (źnižeńnie) pakazčykaŭ pa praduchileńni nievytvorčaha traŭmatyzmu na abjektach transpartu», h.zn. jon bajaŭsia, što kiraŭnictva pakaraje jaho za nievykanańnie normy pa štrafach.
Mužčyna rabiŭ tak sama mieniej 4 razy.
Heta nie pieršy vypadak na stancyi Barysaŭ. Sioleta ŭ sakaviku za takija ž dziejańni byŭ asudžany kaleha padślednaha. Tady jaho prysudzili da 2 hadoŭ pazbaŭleńnia voli z adterminoŭkaj.
