U adździele arhanizacyjna-kadravaj raboty Ščučynskaha rajvykankama «NN» paviedamili, što sacyjalny piedahoh miascovaha sielskahaspadarčaha liceja Anastasija Andryjasava zvolnienaja z pracy.
Anastasija Andryjasava. Fota ok.ru.
Pryčynaj zvalnieńnia staŭ aŭdyjazapis, jaki byŭ vykładzieny ŭ telehram-kanale Nexta na minułym tydni. Na im spadarynia Andryjasava adbornym matam razmaŭlaje z navučencam liceja Markam Chańko, jaki napiaredadni skłaŭ žartaŭlivuju pietycyju na ŭzor amierykanskaj pra šturm vajskovaj bazy «Zona 51». Voś tolki Chańko zaklikaŭ šturmavać ščučynski licej.
«Ty, bł***ć, paŭdurak, pa-inšamu ciabie nie nazavieš. Ty kali hetuju chu***niu pra inšapłanietnikaŭ čytaŭ, moža, taksama dumaŭ, što tut inšapłanietniki vučacca? Što ž ty, končanaja tvaja morda, chu***niu roznuju pišaš? Ty ž debił čystaj vady!
I hetamu debiłu aŭtamat praz hod daduć u armii. Pi***iec ža budzie, pojdzieš šturmavać vajskovuju častku? Prydurak! Voś ciabie nie daj boh niechta kłanuje. Heta ž takija debiły, što horš za inšapłanietnikaŭ budzie», — kazała Anastasija Andryjasava.
Taksama ŭ zapis razmovy trapiŭ i dyrektar ustanovy Dźmitryj Markievič. Jahony los pakul vyrašajecca ŭ Hrodzienskim abłvykankamie. Rašeńnie ab zvalnieńni dyrektara jašče nie pryniataje.
Spadar Markievič u pryvatnaści nazyvaŭ Marka Chańko «kazačnym daŭ***am» i pałochaŭ mahiloŭskaj kałonijaj.
