Bredli Kupier ciaham čatyroch hadoŭ sustrakaŭsia z rasijskaj madellu Irynaj Šejk, dva hady tamu ŭ pary naradziłasia dačka. Ale zusim niadaŭna stała viadoma, što Bredli Kupier syšoŭsia z Łedzi Haha.
Aburanyja rasijanki vyrašyli pa-svojmu navieści paradak u asabistym žyćci zorak i zavalili kamientarami instahram Łedzi Haha.
U kamientarach nazyvajuć zorku źmiajoj i kazoj.
Litaralna za sutki pad kožnym fotazdymkam Łedzi Haha źjaviłasia kali 50 tysiač kamientaroŭ.
Kamientary adpaviednyja. Adnyja Łedzi Haha vinavaciać u tym, što jana razburyła siamju ź dziciem, druhija prosiać adumacca i kinuć Kupiera.
Niekatoryja kamientatary pišuć pra toje, što lepš by rasijanie tak źjadnalisia suprać piensijnaj reformy.
A jość i naohuł śmiešnyja kamientary, kštałtu: «Viarnuli Krym, vierniem i Kupiera».
Dziŭna, ale i biełaruski taksama vyrašyli padtrymać Irynu Šejk.
PR-słužba na proćmu kamientaroŭ nijak nie reahuje: situacyju nie kamientujuć, abraźlivyja kamientary nie vydalajuć. Moža, tamu što jany na ruskaj movie?
