Siesija Mižnarodnaha alimpijskaha kamiteta (MAK) uchvaliła ŭklučeńnie brejk-dansa ŭ spabornickuju prahramu Alimpijskich hulniaŭ 2024 hoda ŭ Paryžy, piša tass.ru.
Taksama ŭ aŭtorak u Łazanie byli papiarednie ŭklučany ŭ prahramu Hulniaŭ-2024 siorfinh, skałałazańnie i skiejtbordynh, jakija ŭvojduć u prahramu Alimpijady-2020.
Brejk-dans debiutavaŭ u jakaści alimpijskaha vidu sportu na junackich Hulniach 2018 hoda, jakija prajšli ŭ Buenas-Ajresie ŭ kastryčniku, pieršym u historyi čempijonam u hetaj dyscyplinie staŭ rasiejec Siarhiej Čarnyšoŭ.
Prapanovu ŭklučyć čatyry vidy sportu ŭ alimpijskuju prahramu Hulniaŭ u Paryžy było padtrymana členami MAK adnahałosna. U brejk-dansie 16 mužčyn i 16 žančyn pavinny razyhrać dva kamplekty ŭznaharod.
Upieršyniu ŭ historyi alimpijskaha ruchu miedali ŭ skałałazańni, skiejtbordynhu i siorfinhu buduć razyhranyja ŭ nastupnym hodzie na Hulniach u Tokia. Kančatkovaje rašeńnie budzie pryniata vykankamam MAK u śniežni 2020 hoda.
Alimpijskija hulni 2024 hoda ŭ Paryžy projduć ad 24 lipienia da 11 žniŭnia.
