«Rasšukvajecca źnikły Nianašaŭ Alaksandr Ivanavič 1966 hoda naradžeńnia, hramadzianin Ukrainy. Ab źniknieńni mužčyny ŭ apieratyŭna-dziažurnuju častku paviedamili 22 červienia», - raspaviali BiełTA ŭ milicyi.
U noč z 18 na 19 červienia ŭ Maładziečna pryjechaŭ cyrk-šapito. Arena i łahier raźmiaścilisia ŭ haradskim parku imia Pieramohi. U liku rabotnikaŭ cyrka byŭ i Alaksandr Nianašaŭ. Žyŭ mužčyna ŭ vahončyku, dahladaŭ za žyviołami.
«Rabočy 19 červienia pakinuŭ terytoryju cyrka i, pa słovach rekłamnaha dyrektara, bolš u łahiery nie źjaŭlaŭsia. Supracoŭniki raskazali, što bačyli, jak Nianašaŭ spuskaŭsia pa ściežcy ŭ bok letniaha amfiteatra. Kalehi taksama čuli pra što jon choča nie viartacca paśla turne va Ukrainu, a zastacca ŭ Biełarusi «, - adznačyli ŭ RAUS.
Vystupy cyrka ŭ Maładziečnie prajšli z 21 pa 23 červienia, paśla artysty praciahnuli hastrolny tur pa haradach Biełarusi. Miescaznachodžańnie Alaksandra Nianašava dahetul nieviadomaje.
Jaho prykmiety: na vyhlad kala 50 hadoŭ, rost 170 sm, chudarlavy, tvar bledny, vočy šeryja, nos pramy. Maje nievialikuju baradu. Asablivyja prykmiety: na levaj ruce defarmavanyja siaredni i ŭkazalny palec. Na nahach jość šnary paśla ŭkusaŭ žyvioł.
Mužčyna byŭ apranuty ŭ śvietłyja ŭ kletku brydžy, futbołku, śvietłyja krasoŭki, na hałavie była śvietłaja kiepka i akulary. Pry sabie mieŭ śvietła-karyčnievuju sumku na šlejcy praź plačo.
