topvar.ru
Paśla dvuchhadovaha pierapynku parad na Dzień Niezaležnaści ŭ Minsku 3 lipienia znoŭ projdzie z udziełam rasijskich «simvałaŭ chałodnaj vajny», paviedamlaje kp.by.
U niebie znoŭ źjaviacca Ka-52, Su-30, Su-34, «pahroza jeŭrapiejskich avijanoscaŭ» bambardziroŭščyk Tu-22M3 i «simvał chałodnaj vajny» — bambardziroŭščyk Tu-95MS rasijskich VPS.
Navinka hetaha paradu — źjaŭleńnie ŭ niebie nad Minskam zvyšhukavoha stratehičnaha bambardziroŭščyka-rakietanosca Tu-160 — jon taksama naležyć rasijskim vajskoŭcam. Heta samy bujny, samy mahutny ŭ historyi vajennaj avijacyi zvyšhukavy samalot i samy ciažki bajavy samalot u śviecie. Jon maje najbolšuju siarod bambavikoŭ maksimalnuju ŭźlotnuju masu. Heta taksama samy chutkasny bambardziroŭščyk sa źmieščanych na ŭzbrajeńni. Siarod lotčykaŭ samalot atrymaŭ mianušku «Bieły lebiedź». Takija samaloty ciapier jość tolki ŭ rasijskaj armii, ich vypuścili usiaho 27 štuk.
U lotnaj prydatnaści siońnia zachavałasia ŭsiaho 16 štuk. Usie jany mieściacca ŭ horadzie Enhiels — heta ŭ Sarataŭskaj vobłaści. Pusty samalot važyć 110 ton, na bort jon zdolny ŭziać 45 ton bombaŭ. Takija samaloty paśpieli ŭžyć u bajach — ich vykarystoŭvajuć u Siryi.
