Try załatyja zorki pa hradacyi International Taste Institute prysudžajucca tolki praduktam z «vyklučnym smakam». Letaś johurt Teos atrymaŭ Crystal Award (kryštalnuju premiju) za stabilna vysokuju jakaść i smakavyja ŭłaścivaści. Ekśpierty vysoka acanili źniešni vyhlad, teksturu, pach i smak hetaha biełaruskaha pradukta.
Jeŭrapiejskim šef-kucharam taksama spadabaŭsia vytrymany syr «Brest-Litoŭsk», jaki atrymaŭ dźvie załatyja zorki konkursu i 87 bałaŭ sa 100 mahčymych. Załatuju zorku atrymała syrnaja navinka «Brest-Litoŭsk Pinski», jakaja nabrała padčas dehustacyi 77 bałaŭ.
U lik pieramožcaŭ premii Superior Taste Award uvajšoŭ i tvaroh «Savuškaŭ chutarok» z 5% tłustaści — u jaho taksama załataja zorka konkursu i 78 bałaŭ.
Najlepšyja pradukty vybirali ŭ Bruseli mietadam ślapoj dehustacyi bolš za 200 viadomych šef-kucharaŭ, samielje i prafiesijnych dehustataraŭ bolš čym z 20 krain śvietu. Arhanizataram premii vystupaje International Taste Institute (Mižnarodny instytut smaku). Sioleta jany siertyfikavali 1885 praduktaŭ. Usiaho ž na Superior Taste Award padadziena bolš za 3000 praduktaŭ z usiaho śvietu, to bok 40% udzielnikaŭ zastalisia biez uznaharod.
Pakolki pradukty dehustavali ŭślapuju, ekśpiertam nie byli viadomyja ani brendy, ani krainy pachodžańnia. Acenka pravodziłasia kožnym dehustataram samastojna, pryčym u poŭnaj cišyni. Bały vystaŭlalisia pa piaci kryterach: pieršaje ŭražańnie, źniešni vyhlad, pach, smak i tekstura. Praces dehustacyi arhanizavany takim čynam, kab paźbiehnuć nieabjektyŭnaha ci praduziataha mierkavańnia.
