Źmiakčeńnie pakarańnia za raspaŭsiudžvańnie narkotykaŭ płanuje razhledzieć Pałata pradstaŭnikoŭ na pasiadžeńni 13 červienia, paviedamlaje BiełTA.
Jak čakajecca, u art. 328 KK (niezakonny abarot narkatyčnych srodkaŭ, psichatropnych rečyvaŭ, ich prekursoraŭ i anałahaŭ) mohuć unieści papraŭki, jakija praduhledžvajuć źmianšeńnie nižniaj miažy pakarańnia ź piaci da troch hadoŭ pazbaŭleńnia voli pa č. 2 i z vaśmi da šaści hadoŭ pazbaŭleńnia voli — pa č. 3.
Źmieny ŭ antynarkatyčnaje zakanadaŭstva staranna vyvučali supracoŭniki roznych dziaržaŭnych struktur pa daručeńni Łukašenki.
Niahledziačy na mahčymaje źmiakčeńnie, ułady nie źbirajucca źnižać adkaznaść dla tych, chto ŭ pramysłovych maštabach zajmajecca zbytam narkotykaŭ. Vierchniaja miaža (da 8 hadoŭ pa č. 2 i da 15 pa č. 3) zastałasia bieź źmien.
