Pieršapačatkova biełaruskija architektary ŭ vybary formy kupała kiravalisia vyjavaj zamka na hraviury Tamaša Makoŭskaha, jakaja była stvorana ŭ 16-17 stahodździach. Paśla vizitu polskaj delehacyi ŭ kastryčniku minułaha hoda, u jakuju ŭvajšli pradstaŭniki ministerstvaŭ kultury, mastactvaznaŭcy, restaŭratary i prajekciroŭščyki, pastupiła prapanova nie śpiašacca z vyrabam raniej zaćvierdžanaha kupała. Jaho forma padałasia zamiežnym ekśpiertam zanadta vypukłaj, kruhlavaj, što nie ŭpisvałasia ŭ ich razumieńnie architekturnych tradycyj zamkavaha budaŭnictva taho času.
— U listapadzie 2018 hoda my atrymali ad polskaha boku hrafičnyja prapanovy i ich abhruntavańni. Jany byli ŭličany prajektnaj arhanizacyjaj pry dapracoŭcy dakumientacyi pa formie «bramnaj» viežy. Siońnia hetaje sprečnaje pytańnie ŭžo vyrašana z ulikam prapanoŭ polskich śpiecyjalistaŭ, — padkreśliła načalnik upraŭleńnia kultury Hrodzienskaha abłvykankama Alena Klimovič.
