Biełaruś viadzie pierahavory z zamiežnymi krainami ab arhanizacyi pramych rejsaŭ u Nacyjanalny aeraport Minsk z Paŭdniovaj i Paŭnočnaj Amieryki, a taksama ź Indyi. Ab hetym BiełTA paviedamiŭ namieśnik premjer-ministra Uładzimir Kucharaŭ.
Pačatak ekspłuatacyi druhoj uźlotna-pasadačnaj pałasy dazvoliŭ prymać u Nacyjanalnym aeraporcie ŭsie vidy pavietranych sudnaŭ. Adpaviedna źjaviłasia mahčymaść arhanizavać pramyja pieraloty z krain dalokaha zamiežža. «Dla hetaha my ciapier ciesna pracujem z usimi krainami śvietu. U tym liku abmiarkoŭvajucca pieraloty ŭ Paŭnočnuju i Paŭdniovuju Amieryku, u Indyju. Pry hetym uličvajucca dalokaść rejsaŭ, kolkaść pasažyraŭ», - skazaŭ vice-premjer.
Pavodle jaho słoŭ, pakul rana havaryć ab kankretnaj dacie, kali moža adbycca pieršy dla biełaruskaha aeraporta transatłantyčny rejs. Tym nie mienš, Uładzimir Kucharaŭ nie sumniavajecca, što heta zdarycca. «Z ulikam našaha terytaryjalnaha miescaraźmiaščeńnia heta ŭsio roŭna adbudziecca, tolki pytańnie času», - dadaŭ jon.
