Prykładna hod tamu 28-hadovaja hrodzienka paznajomiłasia z 27-hadovym maładym čałaviekam. Zaraz dziaŭčyna čakaje ad jaho dzicia, jakoje pavinna chutka naradzicca. Pakul maładziony nie rehistravali svaje adnosiny i žyvuć asobna, ale kanflikty pamiž imi zdaralisia, paviedamlaje hrodzienskaja milicyja.
Raniej dziaŭčyna ŭžo źviartałasia ŭ milicyju, pravodzilisia pravierki. Dniami zdaryłasia čarhovaja svarka. Pjany mužčyna ŭdaryŭ svaju abrańnicu i pahražaŭ joj zabojstvam. Bližej da ranicy dziaŭčyna patelefanavała svajoj maci i paprasiła pryjechać. Pačuŭšy heta, małady čałaviek na vačach ciažarnaj dziaŭčyny zabraŭ jaje $400, jakija lažali ŭ šufladcy, i ŭciok. Dziaŭčyna źviarnułasia ŭ milicyju.
Mužčynu zatrymali, u dačynieńni da jaho zaviedzienyja dźvie kryminalnyja spravy: rabavańnie i pahroza zabojstvam.
