Navukoŭcy z Univiersiteta Portsmuta i Muzieja naturalnaj historyi Vialikabrytanii zafiksavali unikalny vypadak «paŭstańnia ź miortvych». Havorka idzie pra ptušak, jakija źnikli niekalki dziasiatkaŭ tysiač hadoŭ tamu.
Kiuvjeraŭ pastušok, pa pamiery supastaŭny z kurycaj, pražyvaŭ na atole Aldabra na Siejšelskich vyspach. Kali vostraŭ pajšoŭ pad vadu, usie pradstaŭniki vidu zahinuli, pakolki nie ŭmieli latać.
Pryblizna 100 tysiač hadoŭ tamu ŭzrovień vady apuściŭsia nazad i vostraŭ znoŭ padniaŭsia na pavierchniu. I zusim niadaŭna daśledčykam udałosia vyjavić na im «śviežyja» astanki daŭno vymierłaha vidu, što vyklikała niamała pytańniaŭ.
Jak akazałasia, usiamu vinoj iteratyŭnaja evalucyja — asobny vypadak paralelnaj evalucyi, sutnaść jakoha ŭ tym, što adzin i toj ža vid moža raźvicca ad ahulnaha prodka, ale ŭ rozny čas.
Paśla ŭźniaćcia vyspy z marskich hłybiń prabaćka ptuški znoŭ prylacieŭ na atoł i znoŭ evalucyjanavaŭ u nielatajučuju ptušku, pakolki na vostravie niama pryrodnych vorahaŭ.
