Na prezidenckich vybarach i ŭ refierendumach za try dni daterminova prahałasavali krychu bolš za 90 700 čałaviek, abo 3,74% usich vybarščykaŭ, paviedamiła ŭ čaćvier Hałoŭnaja vybarčaja kamisija (HVK) Litvy, piša delfi.lt.
Žychary Nierynhi, Birštonasa i Pałanhi byli samymi aktyŭnymi ŭ daterminovym hałasavańni - adpaviedna 17,05%, 7,38% i 7,11% vybarščykaŭ. Najmienšuju kolkaść vybarščykaŭ było ŭ Vilenskim (1,76%), Šalčyninkajskim (1,78%) i Šaŭlajskim (1,92%) rajonach.
Na apošnich prezidenckich vybarach u 2014 h. u pieršyja dva dni papiaredniaha hałasavańnia svaju volu vykazali 2,97% vybarščykaŭ, ale tady papiaredniaje hałasavańnie pravodziłasia ŭsiaho dva dni.
Nahadajem, u Biełarusi padčas prezidenckich vybaraŭ 2015 hoda za čatyry dni daterminova prahałasavali 28% vybarščykaŭ. Na minułych vybarach u 2010 h. za piać dzion daterminova prahałasavali 23,1%, na vybarach-2006 — 31,3%.
Na pasadu prezidenta Litvy pretendujuć 9 kandydataŭ: sacyjał-demakrat Vitnis-Poviłas Andrukajcis, fiłosaf Arvidas Juazajcis, jeŭraparłamientaryj Valancinas Mazuronis, ekanamist Hitanas Naŭsieda, deputat Mindaŭhas Pujdokas, deputat Nahlis Puciejkis, kandydat «sialan», premjer-ministr Saŭlus Skviarnialis, kansiervatar Inhryda Šymanicie, jeŭraparłamientaryj Valdemar Tamašeŭski.
Vybary projduć 12 maja.
