Amierykanski prezident Donald Tramp padzialiŭsia ŭ Twitter zaklikam jurysta Džery Fałuełła-małodšaha padoŭžyć jaho prezidencki termin na dva hady z pryčyny rasśledavańnia śpiecprokurora Robierta Miulera.
«Trampu pavinny dadać dva hady da jaho pieršaha termina ŭ jakaści kampiensacyi za čas, skradzieny hetym karumpavanym i pravalenym dziaržpieravarotam», — napisaŭ juryst, kiraŭnik Univiersiteta Libierci.
Jak pieradaje RBK, Tramp pahadziŭsia, što ŭ jaho «skrali» dva hady prezidenctva, jakija «niemahčyma viarnuć». Pry hetym jon vykazaŭ mierkavańnie, što hety pieryjad byŭ samym paśpiachovym u historyi.
U krasaviku Miniust ZŠA apublikavaŭ dakład Robierta Miulera ab umiašańni Rasii ŭ vybary amierykanskaha prezidenta ŭ 2016 hodzie. Pa vynikach rasśledavańnia, kamisija nie znajšła śviedčańniaŭ zmovy kamandy Trampa z Maskvoj.
