Raskamnahlad zabłakavaŭ muzyčny servis Last.fm, resurs niedastupny z Rasii pačynajučy z čaćviarha. U vyhruzcy rejestra zabaronienych sajtaŭ dla pravajdaraŭ źmiaščajecca spasyłka na staronku pieśni «Ruś, prośniś!» biełaruskaha hurta Apraxia, paviedamlaje «Miediazona».
Na zabłakavanaj staroncy ŭbudavana videa ź pieśniaj Apraxia na YouTube.
Pavodle aficyjnaha rejestra, dostup da staronki ź pieśniaj «Ruś, prośniś!» błakujecca na padstavie rašeńnia Błahavieščanskaha haradskoha suda ad 24 vieraśnia minułaha hoda.
Pieśnia zaniesienaja ŭ rejestr ekstremisckich materyjałaŭ Miniusta pad numaram 4795 na padstavie taho ž rašeńni suda.
Miž tym, pavodle infarmacyi servisu «Antizapriet.info», u rejestry źmiaščajecca spasyłka na staronku pieśni čačenskaha barda Cimura Mucurajeva «Raj pod tieńju sabiel», napisanaj u 1997 hodzie. Pieśnia pryśviečana čačenskaj vajnie.
Last.fm — najbujniejšy ŭ śviecie sietkavy katałoh muzyki.
