Vyjšaŭ u śviet biełaruski pravasłaŭny kalandar na 2009 hod, padrychtavany Bractvam u honar Vilenskich pakutnikaŭ. Kalandar uzbahačany śpisam usich śviatych ziamli Biełaruskaj z paznačeńniem dzion ich pamiaci. Adzin z raździełaŭ kalendara źmiaščaje ŭ pierakładzie na sučasnuju biełaruskuju movu “Dyjaryuš” prapadobnaha pakutnika Afanasija Filipoviča – vydatny litaraturny pomnik XVII stahodździa i ŭklučaje žycii novakananizavanych śviatych Viciebskaj jeparchii i praviednaj Maniefy Homielskaj.
Da taho ž u kalandary padadzienyja śviatcy (zvod imionaŭ śviatych). Kožny achvočy zmoža vyśvietlić svoj dzień anioła i zrabić toje pavodle nie staroha, a novaha stylu.
Nabyć kalandar možna ŭ knižnym šapiku Śviata-Pietra-Paŭłaŭskaha sabora (Minsk, vuł. Rakaŭskaja, 4).
