«Dvojčy na praciahu piaci dzion Łukašenka lotaŭ da Pucina na pieramovy i ahułam kala šaści hadzin havaryŭ ź im sam-nasam, vysłuchoŭvaŭ patrabavańni Pucina, — piša palityčny analityk Andrej Jelisiejeŭ. — I što ž pa vynikach sakretnych pieramovaŭ paviedamili hramadskaści Łukašenka i jaho kamanda? Roŭnym likam ni-čo-ha.
Paśla pieršych pieramoŭ pres-sakratarka adpuściła kamientar na piać prapanoŭ u nadzvyčaj ahulnych frazach pra «kanstruktyŭnyja» pieramovy. Paśla druhich na sajcie aficyjnaha navinavaha ahienctva ceły dzień u jakaści hałoŭnaj top-naviny visieła natatka pra… katoŭ Łukašenki i ryžaha kata Nema, jaki, maŭlaŭ, paśpieŭ stać publičnym!» — piša Jelisiejeŭ.
«Naohuł, u biudžet-2019 užo zakładzieny straty ad rasiejskaha padatkovaha manieŭru, — adznačaje Jelisiejeŭ. — Ale ŭ Łukašenki byli čakańni vytarhavać u Rasiei kampiensacyi, jakija ŭ kožnym razie pajšli b u reziervovy fond prezidenta na lubyja katehoryi vydatkaŭ. Pa fakcie, u pieršuju čarhu źviazanyja naŭprost abo ŭskosna ź jaho biahučaj vybarčaj kampanijaj», — ličyć analityk.
«I što ž navahodni zvarot? U im taksama ni-čo-ha. Blakłaja niaŭpeŭnienaja pramova», — krytykuje Andrej Jelisiejeŭ.