Viečaram 19 śniežnia pastupiła paviedamleńnie ab spracoŭvańni tryvožnaj knopki ŭ adnym z handlovych paviljonaŭ u rajonie čyhunačnaha vakzała Oršy, paviedamlaje viciebskaja milicyja.
Milicyjanty, jakija pryjechali na miesca zdareńnia, zatrymali biespracoŭnaha žychara vioski Staryja Čamadany, jaki askiepkam raźbitaj šklanoj butelki pahražaŭ pradaŭcam kramy.
Zajezd u viosku Staryja Čamadany Škłoŭskaha rajona. Fota postalovsky-a.livejournal.com
Vyśvietliłasia, što kala 11 hadzin viečara mužčyna ŭvajšoŭ u pamiaškańnie handlovaha abjekta i ŭziaŭ z pryłaŭka butelku piva. Tut ža jon adkryŭ jaje i zrabiŭ niekalki hłytkoŭ.
U adkaz na zaŭvahi pradaŭcoŭ, jon raźbiŭ butelku ab vitrynu i staŭ patrabavać hrošy. Adna z rabotnic paviljona nacisnuła tryvožnuju knopku.
Na žychara Starych Čamadanaŭ zaviali kryminalnuju spravu za asabliva złosnaje chulihanstva. Jamu pahražaje da 10 hadoŭ źniavoleńnia.
