fota - AFP
fota - AFP
fota - AFP
Žychary balivijskaj stalicy La-Pas, členy indyjanskaha plemieni imra ładzili pry kancy tydniu tradycyjnaje śviata «Mały čerap», padčas jakoha demanstravali čarapy svaich blizkich, jakija pavodle tamtejšych vieravańniaŭ prynosiać udaču. Indyjanie zazvyčaj zachoŭvajuć čarapy pamierłych u chatach, ale raz na hod z pašanaj vynosiać ich i hetak, ź pareštkami ŭ rukach, kročuć da miascovych mohiłak.
Majuć tubylcy i svajho ŭlubionca — čerap «Kapitan Viktar», jaki pavodle lehiendy byŭ znojdzieny prazarlivicaj i ličycca najvialikšym talismanam. «Kapitan Viktar», moŭ pierachodny ściah, zabirajuć z chatu ŭ chatu, dzie čerap «haściuje» nia bolš za miesiac, a padčas śviata školniki, palicyjanty i navat senatary prychodziać addaść daninu pavahi «Kapitanu Viktaru» i ŭpryhožvajuć jaho kvietkami i traktujuć cyharetami.
