Navukoŭcy z Kałumbijskaha ŭniviersiteta vyśvietlili, što dadavańnie dźviuch z pałovaj łyžak cukru ŭ harbatu pavialičvaje ryzyku raźvićcia sienilnaj demiencyi abo chvaroby Alchiejmiera.
Vysnovy śpiecyjalistaŭ byli pradstaŭleny na Mižnarodnaj kanfierencyi Asacyjacyi pa baraćbie z chvarobaj Alchiejmiera ŭ Čykaha. Pra heta paviedamlaje vydańnie Daily Mail.
U daśledavańni pryniali ŭdzieł 2226 čałaviek, jakija nie mieli prykmiet demiencyi. Siarod dobraachvotnikaŭ było praviedziena apytańnie, padčas jakoha jany pakazvali, ci dadavali jany cukar u ježu i ŭ napoi i ŭ jakim abjomie. Pry hetym u 429 čałaviek na praciahu siami hadoŭ raźviłasia chvaroba Alchiejmiera.
Akazałasia, što ŭ ludziej, jakija štodnia dadajuć 30,3 hrama cukru ŭ ježu, ryzyka sienilnaj demiencyi pavialičvajecca na 33 pracenty ŭ paraŭnańni z tymi, chto ŭžyvaje 5,8 hrama cukru ŭ dzień. Taksama navukoŭcy pakazali, što amatary sałodkich napojaŭ, u tym liku punšu i fruktovych sokaŭ, na 27% čaściej pakutujuć ad chvaroby Alchiejmiera, a pastajanna tyja, što pjuć padsałodžanyja hazavanyja napoi - na 54%.
