Siońnia prajšło losavańnie 3-ha kvalifikacyjnaha raŭnda futbolnaj Lihi čempijonaŭ. Supiernikam pary BATE — CHIK (Chielsinki) budzie pieramožca pary «Karabach» (Azierbajdžan) — «Kukiesi» (Ałbanija).
«Karabach» (kamanda hulaje ŭ Baku) u minułym hodzie hulaŭ u hrupavoj stadyi ŁČ razam z «Čełsi», «Romaj» i «Atletyka». Pryčym z madrydskim kłubam, jaki potym vyjhraŭ Lihu Jeŭropy, dvojčy zhulaŭ uničyju. Niekalki tydniaŭ tamu u azierbajdžanski kłub pierajšoŭ hałkipier zbornaj Isłandyi Chanies Chaldaursan.
Matčy hetaj stadyi projduć 7-8 i 14 žniŭnia. Pieramožca vyjdzie ŭ płej-of kvalifikacyi ŁČ i, jak minimum, harantuje sabie miesca ŭ hrupavym turniry Lihi Jeŭropy
Pieršy ž matč BATE — CHIK projdzie ŭ Barysavie 25 lipienia (pačatak a 20-j). Hulnia ŭ adkaz — praz tydzień.