amerykanskija musulmanie padtrymlivajuć Baraka Abamu, častkova kirujučysia falšyvaj pahałoskaj, zhodna ź jakoj Barak Husejn Abama — musulmanin.
u padtrymku musulmanaŭ Ameryki vystupiŭ mienavita respublikaniec sa stažam, Kolin Luter Paŭeł, były ministar abarony i hieroj vajny ŭ Persydzkaj zatocy
Ciapier, kali Ameryka navažvaje za kaho prahałasavać, Baraka Abamu ci Džona Makiejna, zdajecca, usie etničnyja i relihijnyja sektary ZŠA ŭžo byli abmierkavanyja ŭ ŚMI na pradmiet pieradvybarčych sympatyjaŭ. Ale što z amerykanskimi musulmanami, za kaho jany?
Pavodle prahramy «Ńjuźbit» na radyjo VVS bolšaść z 4-ch miljonaŭ amerykanskim musulmanaŭ padtrymlivajuć demakratyčnaha kandydata. Častkova kirujučysia falšyvaj pahałoskaj, zhodna ź jakoj Barak Husejn Abama — musulmanin, pahałoskaj, jakuju lahier respublikancaŭ, darečy, vykarystoŭvaje suprać demakratyčnaha kandydatu na praciahu ŭsioj kampanii. Častkova ŭ vyniku chvali varožaści i padazronaści ŭ dačynieńni da musulmanaŭ paśla terarystyčnaj ataki 11 vieraśnia. I častkova — z-za prezydenta-respublikanca, jaki vostra hanić ekstremisckija musulmanskija hrupy.
Tradycyjna skłałasia, što amerykanskija musulmanie abirajuć respublikanca, ale hetyja vybary, vielmi admysłovyja ŭ šmat jakich aspektach, adroznyja i što da sympatyjaŭ musulmanaŭ. Ciapier, na tle ekanamičnaha kryzysu, bolšaść amerykanskich musulmanaŭ addajuć pieravahu Baraku Abamie. «Nam balić nazirajučy za vajnoj u Iraku, u jakoj daremna hinuć tysiačy ludziej», — kaža Izym Kahen, ńju-jorski musulmanin, i dadaje: «Praz apošnija vosiem hadoŭ my bolš nia možam hałasavać za respublikanca».
A što Abama? Chryścijanin, jaki pražyŭ 4 hady ŭ musulmanskaj Indanezii, usio ž kateharyčna pratestuje, kali jaho imia ŭ presie źviazvajuć z musulmanskaj vieraj. Na mitynhu, jaki ładziła demakratyčnaja partyja ŭ Detrojcie, dvaich hladačak, jakija mieli tradycyjnyja musulmanskija chustki na hałovach, nastojliva paprasili nie stajać za śpinaj u Baraka, kab abjektyvy kameraŭ vypadkova nie pazdymali ich razam z kandydatam. Viadoma, adrazu paśla vypadku Abama pieraprasiŭ žančynaŭ, ale ichnija pačućci byli ŭžo abražanyja.
U padtrymku musulmanaŭ Ameryki vystupiŭ mienavita respublikaniec sa stažam, Kolin Paŭeł, były ministar abarony i hieroj vajny ŭ Persydzkaj zatocy, što ŭ dadatak dosyć niečakana padtrymaŭ demakrata Abamu. «Ja sturbavany čuć ad respublikancaŭ pieradvybarčyja pramovy kštałtu: «Nu, vy ž viedajecie, Abama — musulmanin». Dyk voś, pravilny adkaz taki Abama — nie musulmanin, Abama — chryścijanin. Ale tut ža paŭstaje pytańnie: «Ale što tut takoha, kali b jon byŭ by musulmaninam? Ci varta naahuł turbavacca, što čałaviek ŭ hetaj krainie jość musulmaninam? Adkaz — nie, nia varta. Prynamsi nia ŭ našaj Amerycy».
