Uzbrojenyja siły Armienii ŭ bližejšyja miesiacy atrymajuć rasijskija zienitna-rakietnyja kompleksy «Tor», paviedamiŭ sa spasyłkaj na krynicy ŭ Minabarony respubliki Pieršy kanał Armienii.
Bajavyja mahčymaści hetych sistem prakamientavaŭ namieśnik načalnika vojskaŭ SPA respubliki pałkoŭnik Artur Pahasian. «Sistema «Tor» — heta zvyšsučasny zienitna-rakietny kompleks, jaki moža ŭ aŭtamatyčnym režymie, navat biez udziełu asabovaha składu, vieści baraćbu z pavietranymi napadami luboha śpiektra, u tym liku z vysokadakładnymi rakietami», — raspavioŭ Pahasian ŭ efiry prahramy.
Kupla rasijskaj zbroi źjaŭlajecca vymušanaj mieraj dla Armienii, kab niejkim čynam zbałansavać vajennuju situacyju ŭ rehijonie. Nie sakret, što Azierbajdžan na praciahu apošnich niekalkich hadoŭ rehularna nabyvaŭ najnoŭšaje ŭzbrajeńnie (u tym liku biełaruskaje), u toj čas jak Armienija nie maje takich finansavych mahčymaściej, jak Azierbajdžan.
Čytajcie taksama:
Biełaruskaja delehacyja pajechała ŭ Azierbajdžan na sustreču ź ministram abarony razmaŭlać ab supracoŭnictvie
Pašynian padčas sustrečy z Łukašenkam uzdymaŭ pytańnie prodažu zbroi Azierbajdžanu
