Mužčyna pryjechaŭ na zarobki sa Stolina ŭ viosku Bieličy Słuckaha rajona. Uviečary 2 maja jon vypivaŭ sa svaimi kalehami i vyrašyŭ na BMW «piaciorcy» źjeździć na zapraŭku pa dabaŭku. Viartacca da kampanii jon nie śpiašaŭsia, vyrašyŭ adrazu padryfcić ŭ pole, piša «Infa-Kurjer».
Milicyju vyklikaŭ žychar Słucka, jaki jechaŭ pobač. Jon zaŭvažyŭ, jak «niejkaja mašyna jeździć pa azimych i «topča» kałhasnyja pasievy».
Pakul supracoŭniki DAI vyrašali, što rabić z kiroŭcam BMW, jon zasnuŭ.
«My padjechali na miesca jak raz u toj momant, kali BMW zabuksavaŭ i nie moh rušyć ź miesca. Kiroŭca byŭ mocna pjany, nie moh razmaŭlać. Dunuć u ałkatestar jon taksama nie zmoh. U pryjomnym pakoi ad ahladu admoviŭsia», — raspavioŭ «Kurjeru» Dźmitryj Syćko, jaki zatrymaŭ parušalnika.
Mužčynu pahražaje pazbaŭleńnie pravoŭ na try hady i štraf ad 50 bazavych vieličyń (ad 1225 rubloŭ).
