Na fiestyvali «Bajavaja stal» u Pieciarburhu niekalki čałaviek zvalilisia pad tank. Vidavočcu Juryju Anu ŭdałosia zaźniać momant najezdu, pieradaje ria.ru.
Arhanizatary mierapryjemstva katali naviedvalnikaŭ na kopijach tankaŭ časoŭ Vialikaj Ajčynnaj vajny. Padčas adnoj z takich pajezdak na brani T-60 ludzi nie ŭtrymalisia i zvalilisia. Adzin ź ich trapiŭ pad husienicu bajavoj mašyny, jakaja akurat źjazdžała z nasypu.
Spačatku źjaviłasia infarmacyja ab zahinułych, adnak paźniej stała viadoma, što paciarpieli troje — 1985, 2003 i 2008 hoda naradžeńnia — i ŭsie jany žyvyja. Padletki atrymali traŭmy, a mužčyna traŭmu rabra i złamaŭ ščykałatku.
«Voś tak ja trapiŭ pad tank. Vinavatyja arhanizatary, nijakich poručniaŭ. Vielmi strašna było, kali tank najechaŭ na mianie», — napisaŭ adzin z paciarpiełych UKantakcie.