Staršynia Naziralnaj rady BFB i kiraŭnik KDB Valeryj Vakulčyk u filmie «Bijatłon.by. Estafieta pakaleńniaŭ» raspavioŭ, biez kaho była b niemahčymaja pieramoha žanočaj zbornaj krainy ŭ estafiecie na Alimpijadzie ŭ Pchiončchanie. Jak vyśvietliłasia, na rakiroŭku Nadzieja Pisarava — Dzinara Alimbiekava paŭpłyvaŭ Alaksandr Łukašenka, piša Priessboł.
«Usie faktyčna vystupy kiraŭnik dziaržavy vielmi staranna adsočvaŭ. I, viadoma, u nas było vielmi častyja kantakty: časam navat pa niekalki razoŭ na dzień.
Paśla mas-startu, kali Domračava zavajavała srebrany miedal, kiraŭnik dziaržavy mnie skazaŭ: «Voś pahladzieŭ, praanalizavaŭ vystup našych spartoŭcaŭ — Domračavaj, Skardzina i Kryŭko — i aceńvajučy, supastaŭlajučy ich vystupy ź inšymi, ja adnaznačna pierakanany, što my možam pieramahčy ŭ žanočaj estafiecie.
Ja tabie daručaju: ty pavinien danieści da trenieraŭ, što nie treba pieranapružvać situacyju, nie treba patrabavać niemahčymaha — treba prosta paprasić dziaŭčat, kab jany vystupili tak, jak jany mohuć.
Ja ŭpeŭnieny, pierakanany, što jany mohuć pieramahčy, jany zdolnyja na samyja vysokija vyniki.
Adzinaja prablema, jakuju treba vyrašyć, ź jakoj razabracca, — vyznačycca z čaćviortym numaram u estafiecie: usio ž taki Pisarava abo Alimbiekava.
Treba vielmi surjozna papracavać z punktu hledžańnia psichałahičnaj hatoŭnaści pierad udziełam u hetaj honcy, bo vielmi vysokaja adkaznaść, kab jany nie złamalisia, nie nadłamalisia i vytrymali hety etap».
Kiraŭnik dziaržavy skazaŭ mnie heta takoj prostaj, dastupnaj, pierakanaŭčaj movaj, što i ŭ mianie heta ŭžo nie vyklikała nijakich sumnievaŭ — sapraŭdy mohuć.
I dla mianie važnaj zadačaj było pasprabavać mienavita dasłoŭna praktyčna, z toj ža intanacyjaj danieści heta ŭsio tudy, u Pchiončchan, u Kareju… Atrymałasia tak, što adnaznačna kiraŭnik dziaržavy mieŭ racyju», — skazaŭ Vakulčyk u efiry «Biełaruś 1».
