«Unutrany dyjamietr truby składaje 4 mietry. Takim čynam, sistema aptymizavanaja jak dla transparciroŭki pasažyrskich kapsuł, tak i hruzavych kantejnieraŭ», — adznačajecca ŭ zajavie kampanii. Dla paraŭnańnia, unutrany dyjamietr tanela minskaha mietro składaje krychu bolš za 5 mietraŭ.
U ramkach pieršaj fazy budaŭnictva płanujecca sabrać liniju praciahłaściu kala 320 mietraŭ. Jaje ekspłuatacyja pavinna budzie pačacca ŭžo ŭ hetym hodzie. U 2019 hodzie płanujecca zaviaršyć budaŭnictva ŭčastka sistemy daŭžynioj u 1 kiłamietr. Truby hetaj linii buduć ustalavanyja na aporach na vyšyni 5,8 mietra nad ziamloj.
Płanujecca, što pieršaja całkam funkcyjanalnaja pasažyrskaja kapsuła, stvareńnie jakoj na dadzieny momant viadziecca ispanskaj kampanijaj Carbures, budzie dastaŭlenaja na vyprabavalny abjekt dla zborki i intehracyi ŭ sistemu ŭžo hetym letam. Jana budzie asnaščanaja 28-40 pasažyrskimi miescami i zmoža raźvivać chutkaść da 1223 kiłamietraŭ u hadzinu.
Na dadzieny momant raspracoŭkaj sistemy Hyperloop zajmajecca nie tolki HTT. Užo kala hoda kampanija Virgin Hyperloop One maje ŭ svaim rasparadžeńni testavuju liniju, adnak, u adroźnieńnie ad HTT, dyjamietr truby Virgin Hyperloop One składaje ŭsiaho 3,3 mietra, što nie zusim pasuje dla praktyčnaha prymianieńnia, a chutčej raźličana vyklučna na demanstracyju.
Nahadajem, što ideju Hyperloop pradstaviŭ ŭ 2012 hodzie inžynier, pradprymalnik, inviestar i ŭładalnik SpaceX i Tesla Motors Iłan Mask. Jana zaklučajecca ŭ tym, što ŭ trubach nad pavierchniaj ziamli va ŭmovach nadzvyčaj razredžanaha pavietra, amal u vakuumie, ź nievialikim intervałam i chutkaściu až da 1220 kiłamietraŭ za hadzinu buduć pierasoŭvacca kapsuły z pasažyrami abo hruzami. Pry hetym kapsuła nie budzie kranacca ścienak truby z-za efiektu pavietranaj paduški, takim čynam paźbiahajučy niehatyŭnaha efiektu treńnia.
