Baranavickija ŭłady dazvolili na 25 sakavika mitynh i śviatočny kancert u parku ŭ centry horada. Ale harvykankam nie admoviŭsia ad apłaty kamunalnych słužbaŭ, miedykaŭ i milicyi, tamu praviadzieńnie śviata pad pytańniem praz adsutnaść srodkaŭ u arhanizataraŭ.
«6 sakavika ŭ Baranavičach ja ad imia hramadskaha abjadnańnia «Ruch «Za svabodu» padaŭ u vykankam zajavu ab praviadzieńni masavaha mierapryjemstva — mitynhu i kancertu, pryśviečanych 100-hodździu abviaščeńnia BNR», — raspavioŭ sajtu ruchu brescki abłasny kaardynatar Ruchu «Za Svabodu» Juryj Kazakievič.
Pa jahonych słovach, u prahramie śviata taksama buduć vystupy historyka, paetaŭ, vystava-prodaž vyrabaŭ ramieśnikaŭ, fotazona, histaryčnyja rekanstrukcyi, zony aktyŭnaści niedziaržaŭnych hramadskich arhanizacyj, vystava histaryčnych fotazdymkaŭ horada i inšaje.
Mitynh i fiestyval zapłanavany 25 sakavika ŭ Maładym parku, z 12 da 16 hadzin. Taksama ŭ 15 hadzinaŭ u aktavaj zale Muzyčnaj škoły pa adrasie vuł. Horkaha, d. 20 budzie praviedzieny ŭračysty schod, arhanizavany Baranavickim TBM.
