«Heta Valancina Piatrenka. Nie, jana nie kiruje budaŭnictvam hihanckaha kaśmičnaha łaziera na Miesiacy, jaki zdolny źniščać cełyja krainy na Ziamli pry nacisku zališnie vielizarnaj čyrvonaj knopki. Jana — sienatar z Rasijskaj Fiederacyi, pradstaŭnik Respubliki Chakasija», — piša Inopriessa sa spasyłkaj na Newsweek.
«U joj jość niešta, što niepaźbiežna asacyjujecca sa «złydniami z bandyjany «. Chałodny stalovy pohlad. Nievierahodnaje pačućcio stylu ŭ vopratcy. Savieckaja pieradhistoryja. Ale, zamiest taho kab trymać na kaleniach puchnataha biełaha katka, jana nosić na hałavie buraha, ź piermanientam», — havorycca ŭ artykule.
Karystalniki Twitter pytajucca: «Što jana, ułasna, prosić u cyrulnika?», «Jak mnie zrabić takuju pryčosku?». Žurnalist paviedamlaje, što ŭ 2015 hodzie Piatrenka skazała ŭ intervju radyjostancyi «Echo Moskvy»: «U mianie prosta kučaravyja vałasy, padymaju ŭvierch niekalkimi špilkami, ŭsio».
Žurnalist praciahvaje: «Ale źniešnaść padmanlivaja. U doŭhaj karjery savieckaha i rasijskaha funkcyjaniera Piatrenka, uradženki Kazachstana, byŭ całkam nie złačynny momant: u 1993 hodzie jana dapamahła damovicca ab vyzvaleńni dziaciej, uziatych u zakładniki, i była ŭznaharodžana za heta ordenam «Za asabistuju mužnaść», zhodna ź jaje bijahrafijaj na sajcie rasijskaha ŭrada».
Aŭtar paviedamlaje, što Piatrenka zajmała vysokija pasady ŭ strukturach KPSS, a paźniej RF. Zaraz jana siabra kamiteta pa sacyjalnaj palitycy ŭ Saviecie Fiederacyi.
