Vykanaŭca abaviazkaŭ staršyni praŭleńnia Ukrainskaj čyhunki Jaŭhien Kraŭcoŭ paviedamiŭ, što za 2017 hod u mižnarodnym čyhunačnym złučeńni pamiž Ukrainaj i Jeŭrasajuzam pieravieziena ŭ 5,5 razu bolš pasažyraŭ, čym za 2016 hod.
Ukrainski ciahnik Intercity
Tolki za 11 miesiacaŭ 2017 hoda Ukrainskaja čyhunka pieraviezła 205 tysiač pasažyraŭ u hetym napramku. Dla paraŭnańnia, za 2015 hod ličba składała tolki 23,8 tysiačy pasažyraŭ.
Adrazu paśla ŭviadzieńnia biaźvizavaha režymu ź Jeŭrasajuzam, «Ukrainskaja čyhunka» istotna pavialičyła kolkaść bieśpierasadačnych maršrutaŭ na Zachad.
Zaraz z Ukrainy bieź pierasadak možna dabracca ŭ Polšču (Varšavu, Piaremyšal, Chełm), Słavakiju (Košycy), Čechiju (Praha), Vienhryju (Budapiešt), Aŭstryju (Viena), Rumyniju (Bucharest). Taksama ŭletku biełaruskim ciahnikom z Kijeva možna dabracca da bałharskaj Varny.
