10 listapada hareła ptuškafierma ŭ vioscy Miežysietki Mahiloŭskaha rajona, paviedamlaje pres-słužba MNS.
Ratavalniki, jakija prybyli na miesca, pabačyli, što adkrytym połymiem haryć dach ptušnika kletkavaha ŭtrymańnia.
Adnapaviarchovy ptušnik naležyć filijału «Siervaluks Ahra» SZAT «Siervaluks». Budynak abstalavana pažarnaj sihnalizacyjaj, jana spracavała, što paŭpłyvała na vyjaŭleńnie pažaru. U budynku znachodziłasia kala 46 000 hałoŭ maładniaku ptuški (uzrost kala 3 sutak).
U vyniku pažaru ŭ budynku ptušnika źniščana 25 mietraŭ stužki transparciora padačy kormu ptušcy, paškodžana 50 kv.m. dachu, zakuranyja ścieny.
Zahinuła kala 2000 hałoŭ ptuški. Paciarpiełych siarod piersanału niama. Kančatkovaja kolkaść zahinułaj ptuški, materyjalnaja škoda i pryčyna pažaru vyśviatlajucca.
