U 80-ju hadavinu (1937) «čornaj nočy» ŭ Kurapatach pad Minskam projduć načnyja čytańni z udziełam historykaŭ, paetaŭ i muzykaŭ.
Za adnu noč z 29 na 30 kastryčnika 1937 hoda NKVD biespadstaŭna rasstralała bolš za sotniu biełaruskich paetaŭ, piśmieńnikaŭ i dziejačoŭ kultury roznych nacyjanalnaściej. U ich liku byli Todar Klaštorny, Michaś Zarecki, Mojša Kulbak, Aleś Dudar, Izi Charyk, Anatol Volny, Michaś Čarot, Juli Taŭbin, Płaton Hałavač dy inš.
Heta była kulminacyja vyniščeńnia savietami biełaruskich elitaŭ, u časie jakoha byli zabityja praktyčna ŭsie ministry i kiraŭniki pradpryjemstvaŭ, bolšaść akademikaŭ i prafiesaraŭ, piśmieńnikaŭ i historykaŭ.
U pamiać pra heta maładafrontaŭcy zaklikali sabracca ŭ Kurapatach ad 8-j hadziny viečara 29 kastryčnika (niadziela), kab ušanavać pamiać zabitych litaraturnymi čytańniami da samaj ranicy. U imprezie abiacajuć udzieł historykaŭ, paetaŭ i muzykaŭ; rajać ciopła apranacca, brać z saboj haračuju harbatu i šmat śviečak.
