Z paniadziełka, 11 vieraśnia, pačniecca prodaž biletnych pakietaŭ na chatnija matčy Lihi Jeŭropy ŭ Minsku, paviedamlaje sajt biełaruskaha kłuba.
U Minsku kvitki buduć pradavacca ŭ ofisie kampanii Ticketpro (pr-kt Mašerava, 25, choł 1-ha paviercha) z paniadziełka pa piatnicu z 10:00 da 19.00.
Bilety možna kupić tolki pakietam adrazu na try matčy: «Arsienał» (28 vieraśnia), «Kioln» (19 kastryčnika) i «Crviena Źviezda» (23 listapada).
Pakiety raździelenyja na čatyry katehoryi:
3-ja — 105 rubloŭ;
2-ja — 120 rubloŭ;
1-ja — 150 rubloŭ;
Vyšejšaja — 210 rubloŭ.
Nabyć pakiety možna i ŭ Barysavie.
BATE startuje ŭ hrupavym raŭndzie Lihi Jeŭropy ŭžo ŭ hety čaćvier. Pieršy matč biełaruski kłub zhulaje ŭ haściach suprać sierbskaj «Crvieny Źviezdy». Hulnia z «Arsienałam» u Barysavie — 28 vieraśnia.
