U honar 950-hodździa stalicy «Minskchlebpram» zrabiŭ 270-kiłahramovy tort, jaki siońnia biaspłatna razdavali kala Pałaca sportu. Jon vyklikaŭ taki ažyjataž, što na dapamohu pryjšłosia klikać AMAP, paviedamlaje Tut.by.
fota Dźmitryja Bruško
Siońnia kala Pałaca sportu prachodzić tradycyjny kirmaš, pryśviečany Dniu horada. Tam u tym liku arhanizavali fiestyval chleba, hałoŭnaje miesca na jakim zaniaŭ tort «Minsk-950». Jaho śpiakli śpiecyjalna da jubileja stalicy.
Tort ŭjaŭlaŭ ź siabie kvietku ź dzieviaćciu pialostkami, jakija simvalizavali dzieviać rajonaŭ Minska. Jon byŭ čatyry mietry dyjamietram i važyŭ 270 kiłahramaŭ. Na torcie byli namalavanyja słavutaści stalicy.
Pieršymi tort pakaštavali dzieci kiraŭnika Minska Andreja Šorca. Jon pažartavaŭ, što tak astatnija dakładna pierakanajucca ŭ jaho biaśpiecy dla zdaroŭja.
Zrešty, i biez hetaha tort vyklikaŭ vialikuju cikavaść. «Heta biaspłatna? Nu tady zajmajem čarhu!» — čułasia z roznych bakoŭ, i ludzi chaatyčna abstupali pałatku. Supracoŭniki «Minskchlebprama» apieratyŭna paturbavalisia i vyklikali AMAP, jaki pačaŭ farmiravać čerhi. Natoŭp padzialili na dva šerahi i zrabili miesca dla vychadu.
Za dziesiać chvilin u čarzie stajała kala sta čałaviek, ale pa kavałku torta ŭsie atrymlivali chutka. Mnohija zdymali jaho na videa, fatahrafavali. «Kola, biaspłatny tort, ale vielmi šmat narodu», — skazała žančyna svajmu spadarožniku, i jany ŭstali ŭ čarhu.
