Kim Čen Yn daje ŭkazańni pa raspracoŭcy atamnaje bojehałoŭki. Hetaje fota paŭnočnakarejskaje ahienctva CTAK raspaŭsiudziła 3 vieraśnia.
U niadzielu 3 vieraśnia KNDR praviała samaje mahutnaje jadziernaje vyprabavańnie ŭ svajoj historyi.
Dziaržaŭnaje infarmahienctva Paŭnočnaj Karei paviedamiła, što kraina raspracavała vadarodnuju bombu. Pavodle źviestak ahienctva CTAK, bojehałoŭku, hatovuju da pahruzki na mižkantynientalnuju rakietu, ahledzieŭ lidar KNDR Kim Čen Yn.
U paviedamleńni ahienctva havorycca, što mahutnaść bojehałoŭki moža dasiahać socień kiłaton u traciłavym ekvivalencie, a ŭsie kampanienty dla jaje vytvorčaści vyrablajucca ŭ KNDR, što dazvolić krainie stvaryć stolki jadziernaj zbroi, kolki jana zachoča.
Japonski telekanał NHK adznačaje, što na terytoryi KNDR byŭ zafiksavany ziemlatrus mahnitudaj 5,6, što moža śviedčyć pra padziemnaje jadziernaje vyprabavańnie.
Raniej paŭdniovakarejskaja raźviedka pryznała, što ŭłady KNDR zaviaršyli padrychtoŭku da praviadzieńnia jadziernaha vyprabavańnia ŭ dvuch padziemnych tunelach na palihonie Punh-ry na paŭnočnym uschodzie krainy.
Ad 2006 hoda KNDR praviała piać jadziernych vyprabavańniaŭ: u 2006, 2009 h., 2013 hadach i dva — u 2016 hodzie. Paśla hetaha byli sankcyi Rady biaśpieki AAN u dačynieńni da Pchieńjana. U sakaviku biahučaha hoda vajskoŭcy Respubliki Kareja zajavili, što KNDR pačała padrychtoŭku vyprabavańniaŭ jadziernaj pryłady novaha typu.
Novyja vyprabavańni ŭžo rašuča asudzili Japonija i Kitaj.
