«My ź vialikaj uvahaj stavimsia da praviadzieńnia hetych vučeńniaŭ. Bačym mahčymaści pahrozy, u tym liku dla terytaryjalnaj cełasnaści Ukrainy », - padkreśliŭ prezident Ukrainy Piatro Parašenka padčas rabočaj pajezdki ŭ Charkaŭskuju vobłaść u čas razmovy z pradstaŭnikami ŚMI, kamientujučy praviadzieńnie rasiejska-biełaruskich vajskovych vučeńniaŭ «Zachad-2017».
Pavodle jaho słoŭ, padčas vizitu prezidenta Biełarusi Alaksandra Łukašenki va Ukrainu heta pytańnie abmiarkoŭvałasia asobna. «My atrymali zapeŭnivańni, što ni ŭ jakim vypadku z terytoryi Biełarusi ni ciapier, ni ŭ budučyni nie budzie pahrozy. Spadziajusia, što hetaje słova budzie vykanana. Niama padstaŭ stavić heta pad sumnieŭ», - cytuje kiraŭnika ŭkrainskaj dziaržavy president.gov.ua.
U toj ža čas, jon nahadaŭ pra toje, jak u 2008 hodzie i paźniej Rasijskaja Fiederacyja pad vyhladam vučeńniaŭ kancentravali svaju techniku. «Ciapier my budziem uvažliva manitoryć, kab usia technika, zaviezienaja dla vučeńniaŭ, była vyviedziena i pahrozy byli źniatyja», - adznačyŭ Parašenka.
